أولى حلقات يوم التنـــــــــــــــــــاد

لمن الملك اليوم؟؟؟؟؟؟؟؟؟؟؟؟؟؟؟؟؟؟



طبعا مفييييييييش رد




ازاى يا جماعه مفيش رد طب ليه؟

تحبوا تعرفوا ليه لانه مفيش حد طب فين الناس؟ فين البشر؟

فين الطغاه؟ فين العصاه ؟ مفيش ......> طب ليه؟


لان الملك للواحد القهار

الملك لله عز وجل

قال تعالى:
(يوم هم بارزون لا يخفى على الله منهم شىء لمن الملك اليوم الملك اليوم لله الواحد القهار )

بصراحه يا جماعه دى مقدمه للموضوع علشان تعرف الموضوع بتكلم عن ايه تعالوا بقى ندخل فى الموضوع ونقول.................................>


* يـــــــــــــــــــــــوم التنـــــــــــــاد*

تفتكر ايه هوا يوم التناد يا جماعه يوم التناد ده هوا اسم من مجموعه اسماء ذكرت فى القرآن الكريم ويقصد بيه يوم الحساب اللى هوا يوم القيامه اللى هوا يوم الزلزله اللى هوا يوم الحشر اللى هوا يوم العرض
اسامى كتير انما انا موضوعى هوا يوووووووووووم التناااااد



طب يعنى ايه يوم التناد؟


اسم عجيب





مش كده؟





معنى التناد :يعنى كله بينادى اصوات جايه من كل مكان
ده بينادى على ده وده بينادى على ده وملايكه بتنادى على ناس ورب بينادى على بشر فتلاقى اصوات فى كل مكان ومن كل ناحيه

هنتعرف الوقتى على اووووووول نداء؟






اول نداء : يعنى اول صوت اول حاجه هتسمعها يوم القيامه

النفخه نفخه الصور بمجرد النفخ فى الصور ففزع من فى السماوات والارض

نبينا الحبيب قال (كيف انعم وصاحب القرن قد التقم القرن واحنى الجبهه واصغى الاذن ينتظر متى يأمر بالنفخ فينفخ )
عارف معنى الكلام ده؟


يعنى انت مستوعب الموقف ازاى؟

نبيك اللى رحمه الله من الاف السنين مش قادر ينعم بالحياه لان صاحب القرن خلاص اخد القرن وحطه فى فمه واحنى الجبهه انت عارف لما واحد يجى يينفخ فى زماره لازم بيوطى ويحنى جبهته علشان يخرج صوت بكل قوته

اهو صاحب القرن خلاص حط القرن فى فمه واحنى الجبهه منتظر امتى ربنا يأمره بالنفخ

معنى كده انه خلاص

الساعه قربت جدا
خلااااااااص معتش وقت
الحق يابن ادم خلاص معتش وقت
هى نفخه واحده
ففزع من فى السماوات والارض يعنى تخيل الجبل هيفزع.
الطير هيفزع . البنى ادم . الحيوان. الرضيع هيشيب من النفخه

شوفت كله هيفزع كله كتب عليه الفناء بنفخه
كـــــــــــــــــــــله مفيش جبال مفيش ماء مفيش هواء

كله هيفزع ماعدا اربعه بس هما اللى مش هيفزعوا من النفخه

هما مين الاربعه ؟؟؟؟؟؟ كلهم ملائكه بس خلى بالك ده كله كتب عليه الفناء بنفخه


جبريل ___ واسرافيل _____وميكائيل______وملك الموت


وينادى الله سبحانه وتعالى على ملك الموت ويقوله من بقى يا ملك الموت ؟
ملك الموت يرد ويقول بقى جبريل واسرافيل وميكائيل وعبدك

يقوم ربنا يقوله اقبض روح اسرافيل وتقبض روح اسرافيل

وينادى الله تبارك وتعالى من بقى يا ملك الموت ؟

يقوم يرد ملك الموت ويقول بقى جبريل وميكائيل وعبدك

يقوم ربنا يقوله اقبض روح ميكائيل وتقبض روح ميكائيل

وينادى تبارك وتعالى من بقى يا ملك الموت؟

يقوم يرد ملك الموت ويقول بقى جبريل وعبدك

يقوم ربنا يقوله اقبض روح جبريل وتقبض روح جبريل

ينادى الله سبحانه وتعالى ويقول يا ملك الموت من بقى؟

يقول ملك الموت لم يبقى إلا عبدك

يقوم ربنا يقوله اقبض روحك


وينادى الله تبارك وتعالى
وينادى سبحانه وتعالى
لمن الملك اليوم؟





فلا يجيب احد طب ليه ؟ لان مفيش حد؟

خلاص كله فى فناء مفيش حاجه مفيش جبال مفيش بنى ادم مفيش هوا مفيش اى حاجه لم يبقى الا الله سبحانه وتعالى










ويقول نبينا الكريم يظل ينادى اربعييييين

اربعين ايه؟ اربعين يوم ولا اربعين شهر ولا اربعين سنه ولا اربعين ايه؟

النبى مقلش
طب ليه مقلش
لان معتش يفرق
معتش يفرق ليه؟ لان الايام والشهور والسنين دى تفرق معانا احنا انما عند الله تبارك وتعالى من ذلك اليوم انقضا معنى الزمن

معتش فى حاجه اسمها زمن فمش هتفرق معانا اربعين ايه احنا خلاص بنتحاسب

وينادى ربنا سبحانه وتعالى لمن الملك اليوم؟
فيرد الله سبحانه وتعالى







(*(الملك اليوم لله الواحد القهار)*)


خلاص بقى انتهى كل شىء معتش ظلم
معتش طغيان
خلاص احنا هنتحاسب وبقينا فى يد الله


ان الله سريع الحساب





وانشاء الله فى مواقف كتير جدا هتتقال عن يوم التناد انتظرونى

وياريت اسمع رايكم فى الكلام ده وياريت اكتر اللى عنده معلومه انا مكتبتهاش ياريت يزود موضوعى بيها واكون شاكره له


والسلام عليكم ورحمه الله وبركاته